HKOPOLY 係一款節奏爽快、玩法豐富嘅港版網頁大富翁。由深水埗到南區、粉嶺到大嶼山，HKOPOLY 滿載大家熟悉嘅香港特色！
靈感來自 Richup.io，遊戲系統完善，保證每局都咁刺激。最正嘅係我哋嘅智能 AI，佢哋唔單止識得運用策略，就算你臨時行開，AI 都可以隨時幫你頂上，無縫接手！
- 永遠免費： 無廣告、無內購、無隱藏收費，單純為社群分享而設。
- 即開即玩： 免下載、免註冊，開網頁就可以入房開局。
- 手機友善： 響應式介面適配手機同平板，隨時隨地開瀏覽器即可開局。
- 香港地圖： 目前提供「港九核心」及「新界各區」兩款本地棋盤。
- 規則完整： 支援雙骰、坐監、機會、社區基金、起樓、抵押、拍賣，以及打風、加息、交易印花稅等香港特色規則。
- 多人對戰： 支援 2 至 10 人同場，棋盤、聊天室、戰況紀錄即時同步。
- 自由交易： 玩家可提出混合交易，例如「地皮 + 現金 + 出獄許可證」。如放棄買地，會即時觸發限時拍賣。
- 交易輔助： 與電腦或託管玩家交易時預設顯示物業估值提示，方便議價。房主可於大廳關閉以提升難度。
- 電腦玩家： 大廳可加入電腦補位。佢哋會喺拍賣中策略性出價、靈活談判交易，欠款時亦會賣樓抵押或提出清倉交易還債。
- 託管模式： 由電腦代你操作。玩家離線或行開時會自動啟用，你亦可隨時手動開啟或關閉，避免長局因掛機而爛尾。
- 觀戰與重連： 朋友可隨時入場觀戰，斷線後亦可快速重新加入遊戲。
- 自訂家規： 房主可於大廳調整地圖、人數上限、起始資金、房間權限、觀戰權限、玩家洗牌、泊車彩金、打風、加息、交易印花稅、入獄免租、買地／賣地拍賣，以及自動託管閒置時間等設定。
- 遊戲音效： 擲骰、交易、拍賣等情境均有音效，並可調整音量；設定會儲存於瀏覽器。
無需安裝，三步開局：
- 加入或建立遊戲： 選擇「加入遊戲」或「建立遊戲」。
- 輸入玩家名稱： 用你想顯示嘅名稱入場。
- 開始遊戲： 房主選好地圖後即可開波。輪到你時：擲骰 → 買地 / 交租 / 交易 → 完結回合
最後仍未破產嘅玩家就係贏家！
HKOPOLY 喺經典大富翁玩法之上，加入幾項貼地機制。房主可於大廳開關，預設為開啟。
抽到打風卡時，其他玩家支付嘅租金唔會付予物主。
| 風球 | 持續時間 |
|---|---|
| 八號風球 | 一輪 |
| 十號風球 | 三輪 |
有開啟泊車彩金時，期間租金撥入彩池，否則撥入銀行。
交易涉及物業時，接收方須另付印花稅，按物業估值 15% 起算，隨局數推進逐漸降至 5%。交易視窗會顯示印花稅及預計結餘。
有開啟泊車彩金時，印花稅撥入彩池，否則撥入銀行。
抽到加息卡時，贖回抵押及建築成本上升 25%，持續三輪。
有開啟泊車彩金時，多付部分撥入彩池，否則撥入銀行。
地圖定義檔存放於 maps。歡迎提交新地圖！
🗺️ 歡迎提交新地圖！ 如果你有其他本地化主題的棋盤構想，歡迎 fork 本 repo、在 maps/ 新增 JSON 檔，並開啟 Pull Request 分享你的設計。
地圖編輯指南（含棋盤與卡牌）
- 本項目純屬娛樂、學習及個人技術交流用途。
- 本項目與 Hasbro、港鐵公司或任何相關商標持有人並無關聯。
- 「Monopoly / 大富翁」為其權利人之註冊商標；本項目為非商業性致敬實作。
- 棋盤上所有地名及品牌名稱僅作主題包裝用途。如有版權或商標疑慮，歡迎透過 GitHub Issues 聯絡。
- Richup.io 作為線上牌類遊戲體驗嘅核心靈感來源
- notificationsounds.com 提供遊戲音效
- Reddit 用戶 u/HKGMINECRAFT 提供 18 區旗幟
網上其實有唔少線上大富翁，但要搵到一個免費、免下載、規則完整、又有香港味嘅版本並唔容易。整呢隻 game 嘅初衷就係希望大家可以隨時開個房，同朋友輕鬆玩返一鋪熟悉又本地化嘅棋盤遊戲。
如果你都鍾意呢份純粹，歡迎俾粒 ⭐ 支持持續維護！
