eol.mdx

title	காலாவதி நிலை
layout	about
description	Node.js காலாவதி நிலையைப் புரிந்துகொள்ளுதல்: இது பாதுகாப்பு, மென்பொருள் கருவிகள் மற்றும் இணக்கத்தன்மை ஆகியவற்றில் ஏற்படுத்தும் தாக்கங்கள் என்ன என்பதை அறியுங்கள். மேலும், காலாவதியான பதிப்புகளின் விவரங்கள் மற்றும் வணிகரீதியான ஆதரவு விருப்பங்கள் பற்றியும் தெரிந்துகொள்ளுங்கள்.

காலாவதி நிலை (EOL)

Node.js பதிப்புகள் ஏன் மற்றும் எப்படி காலாவதி நிலையை அடைகின்றன

Node.js-இன் முக்கிய பதிப்புகள் ஒரு குறிப்பிட்ட கால அட்டவணையின்படி வெளியிடப்படுகின்றன, மேம்படுத்தப்படுகின்றன, பின்னர் காலாவதியானதாக அறிவிக்கப்படுகின்றன. அனைத்து பதிப்புகளையும் எப்போதும் பராமரிப்பது சாத்தியமற்றது என்பதால், திட்டமிடப்பட்ட பராமரிப்புக் காலத்திற்குப் பிறகு, குறிப்பிட்ட ஒரு Node.js முக்கிய பதிப்பிற்கான பராமரிப்புப் பணிகளை இத்திட்டம் நிறுத்திக்கொள்கிறது.

சமீபத்திய LTS Node.js® மேம்படுத்தவும்

அல்லது

EOL பதிப்புகளுக்கான பாதுகாப்பு ஆதரவைப் பெறுங்கள்

Node.js வெளியீட்டு அட்டவணையைப் பார்க்கவும்.

வெளியீட்டு வரிசை EOL ஐ அடையும்போது என்ன நடக்கும்

ஒரு பதிப்பு காலாவதி நிலையை அடையும்போது, பாதுகாப்புத் திருத்தங்கள் உட்பட எந்தவொரு புதிய மேம்படுத்தல்களையும் அது இனி பெறாது என்று அர்த்தம். இதனால், அத்தகைய பதிப்புகளில் இயங்கும் செயலிகள், எப்போதும் சரிசெய்யப்பட முடியாத பாதுகாப்பு குறைபாடுகளுக்கும் பிழைகளுக்கும் ஆளாகும் அபாயம் உள்ளது.

• பாதுகாப்பு குறைபாடுகளுக்கான தீர்வுகள் இனி இருக்காது: புதிய பதிப்புகளில் ஏதேனும் பாதுகாப்பு அச்சுறுத்தல்கள் கண்டறியப்பட்டு, அவற்றுக்கான திருத்தங்கள் வெளியிடப்படும்போது, அதே குறைபாடு காலாவதியான பதிப்புகளையும் பாதித்தாலும், அவற்றுக்கு புதிய அப்டேட்கள் வழங்கப்படாது. காலாவதியான பதிப்புகளைத் தொடர்ந்து பயன்படுத்துபவர்கள், தங்களின் மென்பொருள் குறியீடுகள் வழியாக இத்தகைய பாதுகாப்புத் தாக்குதல்களுக்கு உள்ளாகும் அபாயம் உடனடியாக ஏற்படும்.
• மென்பொருள் கருவிகளின் சங்கிலித்தொடர் முறிவு: காலாவதியான பதிப்புகள், தாங்கள் சார்ந்திருக்கும் பகிரப்பட்ட நூலகங்களின் புதிய பதிப்புகளுடன் இனி இணக்கமான தொடர்பைக் கொண்டிருக்காது. இது கணினி அப்டேட்களைத் தடுக்கலாம் அல்லது செயலிழக்கச் செய்யலாம்.
• சூழல் அமைப்பிலிருந்து விலகிச் செல்லுதல்: பலப் பிரபலமான மென்பொருள் தொகுப்புகள், காலப்போக்கில் காலாவதியான Node.js பதிப்புகளுக்கான ஆதரவை நிறுத்திவிடுகின்றன. ஒரு செயலி தொடர்ந்து பழைய தொகுப்புகளையே பயன்படுத்தும்போது, அதில் சரிசெய்யப்படாத பாதுகாப்பு குறைபாடுகளும் பிழைகளும் மேலும் அதிகரிக்கக்கூடும். இது ஒட்டுமொத்த மென்பொருள் சமூகத்தின் தற்போதைய தரநிலைகளிலிருந்து அந்தச் செயலியை வெகுவாகத் தனிமைப்படுத்திவிடும்.
• விதிமுறை இணக்கக் குறைபாடுகள்: பல தொழில்முறைத் தணிக்கைகள், பராமரிக்கப்படாத இயங்குதளங்களைப் பயன்படுத்துவதைத் தடை செய்கின்றன.

EOL பதிப்புகள்

வணிகரீதியான ஆதரவு

காலாவதியான பதிப்புகளைப் பயன்படுத்துவதில் உள்ள தெளிவான பாதிப்புகளுக்கு மத்தியிலும், நடைமுறையில் பல நிறுவனங்கள் சில கட்டுப்பாடுகளை எதிர்கொள்கின்றன. பழைய மென்பொருள் குறியீடுகள், விதிமுறை இணக்கத் தேவைகள் அல்லது சிக்கலான சார்பு நிலைகள் போன்றவற்றால் அவர்களால் உடனடியாகப் புதிய பதிப்பிற்கு மாற முடியாமல் போகலாம். இத்தகைய சூழலில், OpenJS Foundation Ecosystem Sustainability Program மூலம், HeroDevs மற்றும் NodeSource ஆகிய நிறுவனங்கள் Node.js-க்கு பாதுகாப்புத் திருத்தங்களை வழங்குவதற்கான வணிகரீதியான சேவைகளை வழங்குகின்றன.

HeroDevs நிறுவனம், அதிகாரப்பூர்வ பராமரிப்புக் காலம் முடிந்த Node.js பதிப்புகளுக்காக Never-Ending Support (NES) எனப்படும் தொடர்ச்சியான ஆதரவை வழங்குகிறது. இதில் பாதுகாப்புத் திருத்தங்கள், விதிமுறை இணக்கத்திற்கான உதவி மற்றும் தொழில்நுட்ப ஆதரவு ஆகியவை அடங்கும். உங்கள் நிறுவனம் புதிய பதிப்பிற்கு மாறுவதற்கான திட்டமிடலில் இருக்கும்போது, அந்த இடைப்பட்ட காலத்தைச் சமாளிக்க இந்தச் சேவை பெரிதும் உதவுகிறது.

வணிகரீதியான ஆதரவின் மூலம் காலாவதியான பதிப்புகளைப் பயன்படுத்துவது ஒரு தற்காலிகத் தீர்வாக மட்டுமே கருதப்பட வேண்டும்—தற்போது பயன்பாட்டில் உள்ள மற்றும் அதிகாரப்பூர்வ ஆதரவு பெறும் புதிய பதிப்புகளுக்கு மாறுவதே எப்போதும் முதன்மையான இலக்காக இருக்க வேண்டும்.